Për coi ch’à parlo da festa

">

Na vira , tant temp fà an ten pais lontan e jera n' òm , bon a gnente , sempre a l' oberge , a giué a carte e an ciochesse , sensa parlé dal vissi ëd core dré a le fomne ëd jeiti . Na sèira mentre tornava da l' òsto ancontrava al diav , che come le sua mòda tornava da fe na vira an sla tèra , e 's compagnavo an toch , e al diav ai disìa :
<< Coma a va Giaco ? Sai che ad piaso le fomne ed àutri , gieughe i sòld , e bèive pitòst , foma an contrat : mi ëd faso vince a carte e con al dòne, fin-a che ëd veuli e ti en treuvi d ' àutri come ti , mi vado sempre an cerca ed gent come ti , bon-e a gnente >> Entant a traversavo al pont ca dijo del diav a motiv de sta conta sì ,
<< ma ëd sas-to che ëd ses an bel scaròss , e soma pen-a n' contrase e sesto già pront an superbieme >> Ri- bëccava Giaco con sò ardiman
<< ti pitòss che son sicur che ëd ses manch bon monté sla sima ëd col erbo lì >> e marcava con al dil na bola che a ij era an riva al bial .
<< A bò?>> Disja ë'l diav
<< se mi monto ansima ti poej acetij mia propòsta? >>
<< comensa a andé >> rëspondìa Giaco . Ël diav alora con quatr brassà rampiava an su l' erbo , Giaco an pressa con na ciapela ëd mon a marcava an sal bion tre cross . ël diav cercava ëd calé ma viste le cros a se sbaruvava e tacava a imploré :
<< Cancela le cros , pèr carità !!! Se dësnò peuss pi -nen calé >>
<< Bo ,bo , mi ij cancelo ma ti e ten promëtte che me vniras pi nen a m' bëtteme , an porteras boneur al gieugh , e con le dòne >>.a disìa Giaco ,
<< va bin e lo promëtto !! >> rësponda ël diav . Giaco cancelava le cross e al diav calà da l' erbo sparìa për sempre. Passava vàire temp e, a la sua mòrt ,Giaco as presentava da San Pèr , ma a motiv ëd soa vita da pecator e di soj vissi angringià , San Per aj përmëttìa nen d' intré an paradis , per parèj as presentava a l' uss ëd l' infern ; ma ël diav arcordandse dle schers che l' avia faje quand era viv a lo fasìa nen intré , chiel era dësperà e suplicava ël diav ad nen leselo a la scur , alora al diav aj dasja an toch ëd brasa anvisca , per fesse ciàir , e ij disìa :
<< la pròssima vòlta che se 'n controma te dareu 'n autra possibilità >> e lo ri-spedìa an tla neuit .Chiel ficava la brasa an ti na ciapela ëd cop e tornava fòra. Ancor an cheuj a la neuit dal di mòrt torna a spassëgé an mess ai viv, sperand 'd trové ël diav për ri-fé 'l contrat.

'l nini