Mi l' Pinot e Pare -Grand e l'avio fàit n' mërcandagi : rivà da scola , dòp disne noi lo giutavo con le bestie n' tle stabi , e chiel la sèira an giutava noi con i còmpit .
Pare –Grand ë l'era studià , avia fait fin-a la seconda elementar peui sò pare l'avia mandalo da garson, ma chiel , as portava l' abc apress 'n pastura e copiava le parole un-a pruna n' sima n' toch d' papé bianch , scrivìa con l' cravion parèj poej con n' toch d' moleja d' pan bin ampastà cancelava e pudìa scrive nautra volta. Tant l' avia amprendù bin che a bajet quandi a l'ero vnuit a saveilo l'avio butalo "in fureria" e tuti i compagn an dasijo da chiel a fesse scrive l' litre për la morosa o për la famija.
Scrivija mès n' piemontèis përchè l' àut lìber che l'avia dovrà për amprende a l' era la Bibia d' soa mare che a l'era scrita an piemontèis dle montagne , e quand noi e devio fé i còmpit dë scola e chièl am giutava , l' maestro s' ascorsìa , e am picava con la bachëtta n' si dij përchè a vu-sija nen , an disìa : " si vede che vi ha aiutato il nonno , dai cavalotti che scrivete" ma noi busiard come n' gavadent , e negavo a cost che n' sëcchéisa la lenga. -"No no ! Signor maestro il nonno non ci ha mica aiutato "- Alora chiel për pica an ficava dré dla lavagna , n' ginojon e n' tenìa lì fin-a a la fin dla lession , ma finìa nen lì , përché l' Ceser ( che l'era në spion ) anche se fasìa già la quinta a l'era sempre n' nòstra classe, përché le terse , le quarte , e le quinte ero tute n' sema pen-a rivà a ca a ij lo disìa sùbit a Madlinot , che se vnisìa savèj che disìo le busìe për punission an lassava nen mangé l' bonèt , e mentre l' Ceser as soagnava con soa rassion , noi stasìo da ij véder . Soens però Mare - Granda a marenda tirava fora la nòsta part e n' la portava :-" se dësnò la mangio le mosche".
Pèr parèj Mi e l' Ceser e loma amprendù a scrive an piemontèis, n' italian e n' fransèis : ùnich problema : je scrivìo tuti e tre mëscià n' sema !!!