L’ ciabòt d’ barba Second a l’era col pì n’ s’là còsta
d’là colin-a ma darè ai na ijera aotri tre ,
a doe minute un da laot e n’ mes a jera n’ èjra ‘n comun per tuti
, i giadin cintà con na’ rete, e a viass per l’ èìra
na’ stangà d galin-e che lej mai capì come fèsio a
nen meuscese, a la sèira ògnun-a tornava a sò
gioch.
Le ca l’ero fajte d’ ciapele tacà una su l’ autra con d’ thù
m’ pastà con l’ eva che quandi l’ era sècchà
smiava n’ ciman, n’ cusin-a a jera n’ uss che dasia n’ tlà stala
.
Stà ca, l’ avia fala Avant-Pare-grand quand’ l’ era mariase e lì
era nasù Pare-Grand e tuti i sòi frei , e lì l’avia
sarà jeui chiel e anche Avant’Mare-Granda ,oramaj ero restà
mach pì tre frei , barba Second cha l’era maj mariase , magna Catlin-a
che quandi era restà vidoa era tornà a cà . Pare-Grand
che l’avia lasà la ca quandi tornà da soldà , l’era
mariase, e l’era catase n’ ciabot n’ tlà pian-a . jèiti ciabòt
ero di cusin fij dièiti frei, e di novod. Quandi i travaj
ero gròss sbutavo tuti n’ sema , e soens l’ èira l’era come
n’ asilo con tute le maraje cha fasijo ciarnaia . Per mì l’era tut
bel , ‘na vòlta soma n’daijt al bial a peuschè
con le man n ‘ ti tompi de steurmà ,quandi soma tornà
l’oma sentù le nòste , magna Nin con 'na gora
l’ha slacà l’ Minòt pèrchè l’era nen
n’ dait n’ pastura e l’ Tromli-n l’e riusu scapè ma : -“
A sin-a torneras-“ là criaie sua mare – Mi.... bè magna
Catlin-a la ciapame per i’orije e smiava voreisa destachemie a tirava come
n’ ors, e mi crijava come n’èija .-" Se te scapava n’ pè
da n’ sima i roch pièn d’ mofa arsigavi dësciapate
‘na gamba!" A criava pi fòrt d’ mi!.
Lor i travaij i fasio tuti n’ cor con l’ caval e mul perchè disija
barba :” i motor a despresio la tera , e chila per dispet a pòrta
pinen” – veuddejsa n’ cheui cosa fan n’ sima soa tera, moireria naotra
volta per l’ magon.
L’Nini