Dësvijte Piemontèis !!!!!

 

"…….. gent dël nòst Piemont; gent ch’a dan valensa positiva e ancreusa a la grandëssa ‘d costa tèra, pien-a ‘d sërvej -fin e ‘d sentiment polìt. Costa nòstra tèra, che malgré ij tanti sgiaflon ch’a ciapa; le sbërfiade dël Parlament Roman anvers a na Parlada e na Literatura milenaria; a la stra foresta ch’a pijo tante nòstre tradission (nen ùltim ël Salon ëd l’automòbil...)... A l’ha ancora ancreusa drinta ‘d chila, ij grand valor che gnun a podrà maj sfrisene... Valor sempi, che -gropà a na mica ‘d pan frèsch, a na fëtta ‘d salam "doganeghin" e un bon "bicchio" ‘d Barbera frissantin-a- a san ancora emossioné cost nòst vej cheur piemontèis... " ( F.Pignatelli su Stampa 7 n°8 )

Për parej finìa 'n artìcol ëd 'n important scrivor 'd lenga piemontèisa , comentand la vitòria ëd Stefania Belmondo ca l’ha vagnasse cola bela e comoventa Midaja d’Òr a Salt Lake City. A lè 'na bela conclusion , ma fin-a a quandi nòste gent durvran continué a soporté je scach 'n facia da polìtich fagnan , ca son ficasse n' sul cadreghin mach për fé sòi interessi maunèt ? Vëdoma i sacrifissi di nòsti vej che minca dì ven-o rusià da ij giari malefich , da quandi 'l an rubane Turin capital a 'l an sempre continuà , l' Samia , lë zoo,'l salon ëd l'aotomobil e ora a le l' temp dla Fiat . Prima an angolfà nòste sità ëd imigrà për feje ouvrè 'n tle fabriche , che a noi a 'n servìo pròpi a gnente , apress a con istess ardiman ; fan che sareje, manch che ël nòst pais contèisa pròpi pa nen, e conta pròpi pa nen për lor : frusta - sëppe d' Roma , conta nen përchè nòste gent che 'l an mai vorsù vive 'n sle spale 'd àutri , a 'l an lassà che comandej-so sempre lor … e òr tra i polìtich a je bin pòchi piemontèis , bin pòchi ca san còsa veul dì tajé na brassà d' erba për ciadlé la vaca e apress 'n dé a fè l' tornò a la Fiat , bin pòchi còsa sia l' onor, e fierëssa 'd esse piemontèis che a l' an sempre argaociase l' manie , për nen vive ën sle spale 'd ij-ejti .

Seconda pagina

'l nini