Për coi ch’à parlo da festa

An mul pel e òss tirava an canon , mnà për la cavëssa da 'n soldà alman , rivà a la crosiera con la stra c' à portava a soa stala as piantava , al soldà tirava , lo pognja con la bajonëtta , ij ficava ëd bastonà , ma chiel gnente avija piantà i pé për tèra tant c' à smijava anciodà , pen-a lo molavo na frisa chiel tirava ëd viré vërs ca , ma da l' àutra part no, pròpi no !! Gnun vérs , al comandant , an deficent dala facia ëd merda e la fassa rossa al brass tacava a s-brajasse an tedesch , contra ël soldà e contra al mul manch che pudejsa capì , o fòrse no , tra i doi era da ciamesse col c' à fusejsa la bestia , për tuta rispòsta al mul fasìa che campesse për tèra , l' alman ij scjaìrava pi nen , pià na brassà ëd paja dal camp lì a ramba ij la butava sota la pansa , e ij dasja feu grignand disìa quaicòs an soa lenga al mul , manch për le bale ! brusava viv ma bogiava nen da lì ! L' alman oramai cagnin tirava fòra la pistòla e je sparava a la testa . Al mul dasja ancor an sangiut e pojtirava i caussèt .
Doi curios che avio vist tut spario come de spluve , lassand ij alman bele soj an mes la stra . Doi soldà dëstacavo al canon e comensavo a tirelo an ten canton ma essend grev lo lassavo lì për andé cerché aiùt . Avio pà n' cor virà canton che da le cort vësin-e surtìo i paisan con faussèt e cotej e an tal temp di na stranuv avio falo a tòch .
Pòch pi n' là ij passavo an grup de stassi con la camisa nèira e an testa la scufiòt con al pomel che casca da na part , al comandant sparava an colp a n' aria për arciamé soa atension ,lor s' avsinavo , as ficavo an s' " attenti " ma ij alman aj dasìo manch da ment , con la cana dal tron tacavo a boroneje posandje vers andoa avio lassà al canon , lor cercavo ëd fé capì che ij era pa damanca ëd possé ma për tuta rispòsta sentìo mach braié :" Still - Snell ".

Rivà an sal pòst i tedesch che pensavo ëd portese via al mul an sema al canon restavo a bech sùit , al comandant tacava dì ëd parolasse che capìa mach chiel criava quaicòs al vent ma gnun a s - vëdìa an gir a lor restava mach ëd coje còi pòchi òss restà a tèra , al canon e tornesne al comand , per sfoghé soa rabia tacava fiché ëd fuèttà an sla schin-a a còi dla camisa nèira che as gamalavo al canon.
Batista an sema al novod , avio dëstacà la testa e ero portasla an ca .

" Cosa na foma ? " ciamava al novod a Batista
" Ma lo foma cheuse e lo rusioma " rëspondìa
" Ma ti ëd lass nen i dent , lo manges l' istess ? "
" Bò ! Ma mi lo ciucio ".
E parej al mul " Eròich " finìa an sla tàula ëd tanti pòvri diav che avio avù an colp ëd fortun-a ëd trovesse lì vësin .


 

'l nini