'l consèj
'N tlà stansia da
let ëd Mare-Granda a ij era 'n gròss burò , avù
'n dòta quand a 'l era mariasse e dzora avia në specc
ancurnisà an ten tle ëd bòsch ëd nosera tut
scolturà , e trà la specc e l tle aj era na
sfilsa 'd santin , tuti coj che l' prevòst , quandi vnisìa
a benedì la ca vers Pasqua ,aj regalava ,poej a ij era le fòtò
'd ii amis e parent che ora arposavo n' t là mòrt , n'
sal pian ,a drita e a snistra a ij ero le fòtò d' soa
mare e sò pare e davanti 'n lumaireul a euli ch' à
tnisìa anvisch an continuassion , ( un sempi bicer ampinì
për metà d' eva e ansima a galegiava an dil d'euli ,
andrinta s'ambibìa 'n lumignon fàit con ëd fil d'
coton torzù , ë tnù a gala an sl' euli con na
fëttin-a d' nata.) Da quasi dòi ani, an mess , ent na
curnis d'argent la fòtò d' Pare Grand tnisìa
l' pòst pi bel . L' temp passa 'n pressa, ormai la bora fòla
d' mia facia a l'è trasformasse n' barba, a le fije d' Gioanin
Pontù , sota l' corpèt marco doe bocëtte che ai fà
trové pi nen dëspiasente
ansi.. Grassie ! Madlinòt.
Da quandi Pare- Grand le
n' dajt arposesse n' sema a sò pare e soa mare , Mare
Granda l' rosari lo dis dnans a soa fòtò. Ora le conte
ij fa barba Bascian ma a je pinen d' maraje a scotelo për parej
quandi barba Gian a l'è rivà con na scatolon con 'n
drinta la television e poej a l'ha piassala an sima an taulin chiel
tut content l'era 'n dasse veste da festa ; quandi lej ciamaje 'l
përché a là rispondume :<<" Cola bela matòta
lì ëm beica pròpi mi !">>
Gioanin e la Sëcca
ora tute le sèire a ven-o da noi a vëdde 'l cine a la
television . Barba Gian dòp che le mancaje Parin a la molà
da n de fe l' garson a la Fiat e con al dne dla liquidassion a la
catà al motor an 411 për parej a fà i travaj pi an
pressa Mi e l' Pinòt en doma a travaje da 'n fre , mentre l'
Ceser studia da boé, l' Pinòt a se srocion-a la Gian-a
, mi le nen ch'a n' des - piasa la Licia ma me cheur a le sempre là
an mes ai brich e 'l vigne e tute le vòlte che lej temp pijo
la vespa e coro a San Giaco , barba Second a le sempre là con
magna Catlin-a , a l'è an pòch pi gheub e camin-a con
la cana , magna camin-a pian e as seta soens për le gambe gonfie
, e ant lë stabi a le restaje na vaca sola . Al Rocass Barbrin-a
a le fase 'na mario-ira e as ricama la dòta . Oreste vurrija
vëdime an dé ste al Rocass ma mi pen-a al bajèt am
lasserà lìber . Pijreù Barbrin-a e apress marià
la portreù ant la pian-a, se sarà la volontà d'
Dè.
Mia mare a le nen tant
contenta , alora 'na sèira che Mare-Granda as preparava për
dì 'l rosari , son intrà decis ant la stansia e lej
dije :<< peuss parleve Madlinot ?>>
. Chila , setandse an sal let , mentre
as rangiava la còta ch' a surteijsa nen da sota la vesta : "
<< Disme ! >>Mi sensa tante gibore :"
<< Còsa na pensés ëd Barbrin-a ? Mama a le nen tan
contenta ! Ma mi ej veuj bin a Barbrin-a e chila d' cò a mi ! >>
Mare Granda a l'era nen costumà a de d' consej , l' avia
sempre falo Parin , ma chila a l'avia na sageussa ch'a vnisìa
da 'n lìber vej come l' mond , durbendlo trovava sempre la
mira giusta për la rispòsta a tute le domande :
<<
Vëddes ? La parola d' De dis :
. " Për lònt
ët laseraj tò pare e toa mare e te strènseraj a la
toa dòna e vnireve 'na sola carn
le masnà a son
'na benedission ed Dè , boneur l'òm c' ha n' ha la ca
pien-a
. ". Se ti vësto bin fa come dis tò
cheur , e se fusèjsa sbalià sarìja sempre bin
fàit , përché t' laj falo con toa testa ët
pudraj mai di che a l'an fate sbalie ij èiti . Va ! òr
tas mia benedission ed sicur 'd cò cola d' Parin .>>
'l nini